Bertsoak - Fitxa ikusi Atal honi buruz gehiago jakiteko
1990-12-09 Durango Txapelketa [Bertsoa] / Xabier Arriaga "Txiplas", Gregorio Larrañaga "Mañukorta"
1990-12-09 Durango Txapelketa [Bertsoa] / Xabier Arriaga "Txiplas", Gregorio Larrañaga "Mañukorta"
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Mañu:
Nere lagunak hor beti dauka
gai on baten egarria
ta Mañukortak berarena du
aitonaren iturria
nun zer komeni dudarik gabe
beti ongi igarria
nik gai librean zerbitu nahi dut
neu bizi naizen herria.
Txiplas:
Honek ez du nahi here ondoan
ez gaijartzaile ez etsai
bere moldara ibiltzen zaigu
erdi baldar eta alai
gaia jarrita kantatzeko ez da
edonor izaten gaur gai
honek gai libre batik nahi du ta
doinu ta neurria ere bai.
Mañu:
Doinu ta neurri ta asko esan
nik ditut erabakiak
gazte alaiak irripar gozoz
aitonaren bekokiak
gai libre honek ikusten ditu
entzule klase guztiak
ta Mañukortak ematen daki
bere gustoko jakiak.
Txiplas:
Gaia jarrita egiten ditut
hortan neure ahaleginak
batzutan hola izaten dira
euren nahiak ta ezinak
horrexegaitik gairik ez du nahi
nere alboko lagun minak
gaia jarrita be kantatzen dauz
betiko bertso berdinak.
Mañu:
Nik gaiarekin bertsosaio asko
ikusten ditut itsusi
ta herriari gaizki eiterik
jaunak ez luke merezi
bakar-bakarrik kantatu lasai
alaiak eta berezi
zuk'e nahi badezu nekin etorri
eta kantatzen ikasi.
Txiplas:
Danetarako prestua nago
behin tokira iritsita
bertsolaritzan beti izan naiz
arlo danetan polita
alboko honek libre hutsean
besterik gaur ez daki ta
nik berdin-berdin librean eta
edozein gai txar jarrita.
Datu-base honetan eskainitako informazioari buruz jakiteko, kontsultatu lege oharra