Bertsoak - Fitxa ikusi Atal honi buruz gehiago jakiteko
1990-11-24 Ormaiztegi Jaialdia [Bertsoa] / Florentino Goiburu
Bertsoa entzun |
1990-11-24 Ormaiztegi Jaialdia [Bertsoa] / Florentino Goiburu
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Gauon gauean beraz afaltzen
zuek ari zerate hor,
ez det esango eskale honi
ezer diozutenik zor,
baina etxe hontan jakinik dala
horrenbeste jende jator,
aber zer ematen didazuten
zerbait eskatuaz nator.
Zerbait eskatuz ekiten diot
kantura edo kantara,
pobre naizela begira danok
daramakiten plantara,
neretzat beraz ogia esketik
egin behar det etara,
hau pentsatzean etorritzen
zait negarra begietara.
Eskalea naiz gaur azaldu det
ogibide nabarmena,
ta zerbait ematera zueri
emango dizutet pena,
ez det esaten ematekorik
hor dadukazuten dena,
baina bihotzez eskertuko det
ematen didazutena.
Datu-base honetan eskainitako informazioari buruz jakiteko, kontsultatu lege oharra