Bertsoak - Fitxa ikusi Atal honi buruz gehiago jakiteko
1990-09-08 Izurtza Jaialdia [Bertsoa] / Juan Mari Areitio, Andoni Egaña
| Bertsoa entzun |
1990-09-08 Izurtza Jaialdia [Bertsoa] / Juan Mari Areitio, Andoni Egaña
Neurria:
Neurri luzekoak
Kokapena:
XDZ - Xenpelar Dokumentazio Zentroa
Areitio
Abelek hor esan duna
degu nahikoa larria,
pentsatutzen jarri eta
hau da ikaragarria,
basamortua bihurtzen doa
hau da oraingo berria,
Euskal Herria ere aspaldian
dago nahikoa erria.
Egaña
Areitio izuturik
eta neu ere ikaran,
datu hori hola bada
ezin gu egon patxadan,
basamortuak bihurtu dira
hainbat mendi eta haran,
konturatuko ote gerade
zer egiten ari garan!
Areitio
Basamortua zabaldutzen
izadiaren kaltera,
horren aurka joan behar dugu
hemen guztiok batera;
zuhaitz ederrak galtzen dijoaz
egunetik egunera,
aurrerapenak zertako diran
hortik kontuak atera.
Egaña
la berderik ez dago
dena ke ta dena laino,
natura zaintze horretan
portatutzen gera ñaño,
batzuk propio sua sartuaz
basoen barreneraino,
hobe musuka lau ordu pasa
hortan minutu bat baino.
Areitio
Ontzat hartu behar Egañak
egiten dituen planak,
nola egin litezke hemen
era horretako lanak,
galtzera doaz baso edarrak
ibarrak eta oihanak,
horrelakorik ezin du egin
bihotz pixka bat daukanak.
Egaña
Noizbait hasiko al gera
belar gustoa usaintzen,
Abelek esan duenak
ez nau batere lasaitzen,
naturaleza denona degu
saiatu gaitezen zaintzen,
seme alabe(r)i ez esateko
hemen baso bat izan zen.
Datu-base honetan eskainitako informazioari buruz jakiteko, kontsultatu lege oharra