Bertsoak - Fitxa ikusi Atal honi buruz gehiago jakiteko
1990-03-17 Berastegi Jaialdia [Bertsoa] / Jon Sarasua
| Bertsoa entzun |
1990-03-17 Berastegi Jaialdia [Bertsoa] / Jon Sarasua
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Esaten dute Nikaraguarrek
zertxobait galdu dutela,
nik pentsatzen det beste batzuek
galdu a(ra)zi dietela,
ta aitortzen det egun haietan
negar egina naizela,
zer gertatu den esan didazu
ta erantzuten det honela,
munduan indar gehien duna
berriz nagusitu dela. (BIS)
Amerikarrek ordaintzen zuten
kontra edo milizia,
eta apropos sortarazi han
gose eta desgrazia,
pake aitzakiz botoak jaso
hori al da justizia?
Esaera bat akordatu zait
Txirritari ikasia:
arrain haundiak nahi duen arte
arrain txikien bizia. (BIS)
Era danetan moldatzen bait da
botere kapitalista,
asmoz ez bada engainu bidez
nahi a(d)ina boto konkista,
baina oraindik isilik daude
esperantza ez da pixka,
da hirugarren bertso honetan
izan nahi dut optimista,
berriro ere izango baita
Nikaragua Sandinista. (BIS)
Datu-base honetan eskainitako informazioari buruz jakiteko, kontsultatu lege oharra