Bertsoak - Fitxa ikusi Atal honi buruz gehiago jakiteko
1990-07-30 Altzo Jaialdia [Bertsoa] / Anjel Mari Peñagarikano
1990-07-30 Altzo Jaialdia [Bertsoa] / Anjel Mari Peñagarikano
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Xirri e(g)itea libre uzten da
apaiz jaunak baimenduta,
kale erdian pisa egitea
dago guziz zigortuta,
txepel-ontziak izango dira
egunsentiko turuta,
ta aguazilak astinduko du
bere boligrafo punta,
zahagi ardoan mozkortze(n) ez dana(r)i
hamar mila pezta multa.
Gure onespen eta eskerrak
Alkate txit gorenari,
berak bakarrik presta bait ditu
gazteentzat ehun afari,
eta gainera kajaka kondoi
jubilatuei opari,
horrez aparte bost mila duro
eskupeko edo sari,
galduta dauden bi barrika ardo
bilatzen dituenari.
Badakizute zein larria dan
Altzon dagon arazoa,
mutilzahar asko ta ume gutxi
hori ez da progresoa,
kezkatu da ta Udaletxeak
luzatu nahi du besoa,
ta ematen du bi urtetako
epea edo plazoa,
bi haur ekartzen dituzten danak
dohain daukate pisoa.
Zurrut eginez ken ezazue
zuen barrengo erdoia,
ta eguardian hamaikak arte
gero zapaldu jergoia,
San Inazio izanagatik
gure betiko patroia,
datorren urtez gure zaindari
«Ipintza»ko* erraldoia,
ondo igaro eta barkatu
luzatu badet pregoia.
Datu-base honetan eskainitako informazioari buruz jakiteko, kontsultatu lege oharra