Bertsoak - Fitxa ikusi Atal honi buruz gehiago jakiteko
1990-05-04 Legazpi Jaialdia [Bertsoa] / Anjel Mari Peñagarikano
Bertsoa entzun |
1990-05-04 Legazpi Jaialdia [Bertsoa] / Anjel Mari Peñagarikano
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
Gauzak hobeto pentsa
behar dira aurrez,
nunbait ez zera sortu
maitasun indarrez,
danok grinaz beteta
gaude zoritxarrez,
amak baztertu zaitu
zu halabeharrez,
haurtxoa horregatik
al zaude negarrez?
Artzai gaiztoak ez du
maitatzen bildotxik,
ta zuk berriz ez dezu
ez bero, ez hotzik,
inoiz ez nuen izan
hain trantze zorrotzik,
amak ez du entzun nahi
zure negar hotsik,
hori egin duenak
ez dauka bihotzik.
Lehen haurrak bataiatzen
zituzten elizan,
orain zabortegian
zaborraren gisan,
noski ni ere noizpait
haurra izan nintzan,
eramango zaitut nik
norbaitek har zaitzan,
maitasuna(re)n faltarik
ez dezazun izan.
Datu-base honetan eskainitako informazioari buruz jakiteko, kontsultatu lege oharra