Bertsoak - Fitxa ikusi Atal honi buruz gehiago jakiteko
1990-02-10 Antzuola Jaialdia [Bertsoa] / Jon Iñaki Izarzelaia, Jon Maia, Joxe Mari Mujika "Anatx", Joxe Angel Salegi "Lizarreta", Aitor Sarasua, Jokin Sorozabal
| Bertsoa entzun |
1990-02-10 Antzuola Jaialdia [Bertsoa] / Jon Iñaki Izarzelaia, Jon Maia, Joxe Mari Mujika "Anatx", Joxe Angel Salegi "Lizarreta", Aitor Sarasua, Jokin Sorozabal
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Anatx
Soldaduzkataz hitzegiteko
bada arrazoi formala,
lehen Sarasuak esan dizute
ni libratua nitzala,
neronek ere libratutzeko
egin nuen eginahala,
besuagatik deitu zidaten
neri inutil totala.
Sorozabal
Zuri inutil deitu gabean
nola ez zegon uzterik,
zorionean ez zendun izan
traje berdea jazterik,
mutil ederra nitzan ni berriz
izanagatik gazterik,
eta handikan ez nun ekarri
bizio txarra besterik.
Lizarreta
Arazo beltza ekartzen digu
hogei urte inguruan,
batzuk inutil dirala eta
uzten dituzte albuan,
hemendikan bi bakarrik ginan
militarraren onduan,
orain ondo nabarmentzen da
gizatasuna nork duan.
Izarzelaia
Gazteok aspaldi baditugu
soldadu kontuez lanak,
denok barnera sartu nahiean
horiek dira afanak,
nik ezpainak pinta nituen da
ez nituen hartu armak,
nola militarrek behar duten
gizon «macho»ak diranak.
Maia
Oraindik ere ez zait argitu
soldaduzka horren duda,
baina gauza onik ez dago
alde horretara junda,
alegauko det «tonto completo»
ala «locura profunda»,
edozer gauza ez entzuteko
turuta hoien burrunda.
A. Sarasua
Soldaduzkara joan leiteke
nun dezue juizioa?
Militarrei eman behar zaie
Euskaditik lezioa,
gauza aldatzen hasi dedila
behar degun sezioa,
lehenengo behintzat objetatu ta
gero intsumisioa.
«Anatx»
Arrazoi daukak al baldin badek
hoiengana ez azaldu,
ta Sorozabalek esan duna(r)i
beharko diot nik heldu,
lehen formala zan da soldaduzkan
lehendik zeramana galdu,
ni lehen(ag)o nitzan inutila ta
hori bertan inutildu.
Sorozabal
Batzuk Loiolan egin genduen
beste batzuk Valentzian,
beste batzuek libratu ziran
inutilaren klasian,
inutil noizbait guztiok gera
mundu hontako auzian,
ni urte bete bakarrik baina
hauek bizitza guzian.
Lizarreta
Istruzioa lau-bost bat ordu
jo bera eta jo gora,
modu hartako bizitzarekin
ez leike joan inora,
Jon Maia honek alegatzea
luke beretzat mejora,
traje berderik ez da egiten
bi metro t'erditik gota.
Izarzelaia
Españatik egiten digute
hara joateko dearra,
eta gazteok gutxitan degu
erakusten gure indarra,
pentsatzen jarri eta ez al degu
ho(r)i jokaera kaxkarra?,
gogoaz kontra joanda ere
burua makur beharra.
Maia
Buru gainean txapela jarri
ta eskuan metraileta,
badaezbada kantzontzilotan
«granada»ren bat gordeta,
alegatzia daukat onena
ondo zoaz Lizarreta,
nere tailako zapatilikan
inun ez daukate eta.
A. Sarasua
Sekula ez naiz soldadu joango
pozik esan nion ama(r)i,
zure ondoan eukiko nauzu
eta egon zaitez lasai,
horrela nik ezetz esan nien
militarre(r)i eta arma(r)i,
solda(d)utza bada gizon e(g)iteko
ez dut gizona izan nahi.
Datu-base honetan eskainitako informazioari buruz jakiteko, kontsultatu lege oharra