Bertsoak - Fitxa ikusi Atal honi buruz gehiago jakiteko
1990-07-17 Lazkao Jaialdia [Bertsoa] / Patxi Iraola
1990-07-17 Lazkao Jaialdia [Bertsoa] / Patxi Iraola
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Estalki denak aldegin zuten
buru azalak zuritu,
kopeta hazi eta zimurtu
edertasunak urritu,
eskastasun hau neurekin eta
oraindik kantuz aritu,
soil une honen azpiko horrek
ez al du nahiko meritu?
Hau da galdera «Zerekin dago
soilune horren azpia?»
Hortxe sortzen da nerekin dedan
zentzu guztian izpia,
hor dago nere ilargia ta
hor da nere eguzkia,
naizen moduan hark egiten du
nere izate guztia.
Soil une horren azpian zer dan
hain trebea dan galdera,
hor daude muinak, hor da zentzuna,
ta hor dago ezaguera,
bista galdu zait urte hauetan,
belarrietan sordera,
hoiek guztiak galtzen dijuaz
ilearekin batera.
Datu-base honetan eskainitako informazioari buruz jakiteko, kontsultatu lege oharra