Bertsoak - Fitxa ikusi Atal honi buruz gehiago jakiteko
1990-03-31 Mutriku Lagun-artekoa [Bertsoa] / Roman Maiz "Okelar"
| Bertsoa entzun |
1990-03-31 Mutriku Lagun-artekoa [Bertsoa] / Roman Maiz "Okelar"
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
Horrenbeste urtean
lanean jardunik,
pinu hutsunerikan
batere ez nun nik,
sutan ikusi eta
honelako penik,
berde ezin ikusi
hain pinu lerdenik,
ez al zekizun kalte
egiten zendunik.
Uste al dezu beti
hola erabiltzea,
lanen ordainez nahi guk
dirua biltzea,
horrenbeste kostata
alperrik galtzea,
eta momentu txar hau
golpean heltzea,
zeuk merezi zenduan
aurretik hiltzea.
lkusi det gertaera
bastante itzala,
konturatuko zera
gaizki zabiltzala,
emateko bazekizun
komeni ez zala,
ni biziko naiz hemen
nola edo hala,
Jaungoiko zerukoak
juzkatu zaitzala.
Pinadi bikain hori
utzia galtzera,
eta nere nekeak
danak bukatzera,
orain iritsia zait
miserien era,
nolabait egingo det
nere bizikera,
baina egindakoa(re)kin
oroituko zera.
Datu-base honetan eskainitako informazioari buruz jakiteko, kontsultatu lege oharra