Bertsoak - Fitxa ikusi   Atal honi buruz gehiago jakiteko

1990-08-07 Aia Jaialdia [Bertsoa] / Nikolas Zendoia

Bertsoa entzun  

Informazio orokorra

Kategoria
Bat-batekoa
Saioa
1990-08-07 Aia Jaialdia
Gai-jartzailea
Lertxundi, Joxe Mari
Bertsolariak / Egileak
Zendoia, Nikolas
Lana
Bakarka gaia-emanda
Jarritako gaia
Herri barruan bizi haiz, lantokia bertan daukak eta hango zarataz zoratuta bizi baiz, aspertuta. Herri inguruko kaxko batean zegok baserri zahar bat, hire jaiotetxea, erdi erorita, huraxe konpontzen hasi haiz; jai ta aste lana egin dek eta lehengo era zabarrean egurrez eta, apainduta, bukatu dek jubilaziorako juxtu-juxtu. Jubilatu zerate lagun batzuek eta azken agur edo despedida bezela afari bat egin dezue umorez gainezka, begiratu dek eta hire baserri zaharra sutan ikusten dek. Hire ametsetako etxe hari kanta izkiok hire sentimentuak.

Deskribapena

Doinua
Munduko ilunabarra
Neurria / Estrofaren izena
Neurri luzekoak

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1990-08-07 Aia Jaialdia [Bertsoa] / Nikolas Zendoia

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

Zahardadearen arratsen
egon ondoren apaltzen
lehengo nekeak zapaltzen
lagunak besarkadatzen
gabaz etxeruntz nentorrelarik
bertso zahar batzuk kantatzen,
goi hodeietan su erreinu bat
hara nun zaidan agertzen,
inguratu naiz apur-apurka
da teilatua erortzen,
sinistu ere ezin det egin
ez diot begirik kentzen,
nere azkenengo ilusioak
horra hor sutan erretzen. (BIS)

Eskuetan det buzua
hainbat izerdi jasua
apaintzen zure altzua,
mendiko paradisua,
haurtzaroko ta zahartzarorako
eguzkileku gozua,
azkenik zugan jarria neukan
nere itxaropen osua,
baina betiko desegin zera
bakartu zaigu auzua,
teilatu gorri hortan gehiago
ez da jarriko usua.
Zer egin det nik? Zer gerta zaizu?
Norek eman dizu sua? (BIS)

Etxe jirako lizarrak
intxaur da gerezi zaharrak,
mizpira, txermen, sagarrak,
eta berbena belarrak,
euren orriak ximeldu ditu
zure su aroa(re)n garrak,
txinpartak haruntz,
txinpartak honuntz
goitikan behera kelarrak,
hontz txuria ere iges joan da
ta hau zuen deadarrak,
ez du azkenik aitona honen
malkoak ixur beharrak.
Zer balio dit ames irriak?
Zer balio dit negarrak? (BIS)

Datu-base honetan eskainitako informazioari buruz jakiteko, kontsultatu lege oharra