Bertsoak - Fitxa ikusi Atal honi buruz gehiago jakiteko
1988-04-16 Gabiria Sariketa [Bertsoa] / Jose Ramon Elortza
| Bertsoa entzun |
1988-04-16 Gabiria Sariketa [Bertsoa] / Jose Ramon Elortza
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Kanpaina horren berri ipini
gaituzte ondo jakinik,
Euskararentzat dela propio
naizta egon hitzeginik,
ez pentsa gero hartzen detanik
horrelako atseginik,
izenak hala dio izatez
«denok hortan Bateginik»,
baina gabiltza nahi izan arren
hori gaur lortu ezinik. (BIS)
Bar egiteko eskeini dute
kanpaina bidez aukera,
naizta bakoitzak ematen ere
badio bere tankera,
lendabiziko beharko luke
denan gainetik Euskera,
ta ez hemengo partidu hoien
jokuaren izakera,
bestela neri esadazute:
zertan ari ote gera? (BIS)
Oraintxe ere tokatu zaigu
guri batzeko kasoa,
erdigunean hala ta guzti
ikusten det itsasoa,
hasarre bila hauxe da jaunak
hemen degun arazoa,
esaten degu denok Euskera
nai gendukela jasoa,
baina bakoitzak bere aldetik
ematen degu pausoa. (BIS)
Datu-base honetan eskainitako informazioari buruz jakiteko, kontsultatu lege oharra