Bertsoak - Fitxa ikusi Atal honi buruz gehiago jakiteko
1988-08-15 Aduna Jaialdia [Bertsoa] / Gregorio Larrañaga "Mañukorta"
Bertsoa entzun |
1988-08-15 Aduna Jaialdia [Bertsoa] / Gregorio Larrañaga "Mañukorta"
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Langile fina, mutil ederra,
izatez ez naiz bastua,
jantzi ederra, morrosko ona,
ilea ondo orraztua,
dotea ere ipinita det
jarri zintezke poztua,
nere etxean bi behi pinta ta
txakur bat eta astua. (BIS)
Diru puxka bat aldian daukat,
gustatutzen zait jolasa,
kotxe bezela karneta badet
baita (e)re kuatrolatasa,
Mañukortakin bizitza on bat
egin nahi badezu pasa,
ne(re)kin ezkondu ta ugaldu leike
Jainkumendiko arraza. (BIS)
Mañukortaren umore ederra
pagatzen zaila da sarri,
irripar gozo, igurtzi onak,
berdin aurpegi ta gerri,
lagun on batez bizi guzian
neska, hik nahi baden jarri,
gu oso ondo biziko gaitun
Jainkumendira etorri. (BIS)
Datu-base honetan eskainitako informazioari buruz jakiteko, kontsultatu lege oharra