Bertsoak - Fitxa ikusi Atal honi buruz gehiago jakiteko
1988-10-11 Oñati Jaialdia [Bertsoa] / Iñaki Murua
1988-10-11 Oñati Jaialdia [Bertsoa] / Iñaki Murua
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Hainbat alditan eskolara juan
baina ez nuen ikasi,
hori zala ta haurtxo nintzala
barrua neukan nahasi,
«aizazu aita, ba al da Jainkorik?»
galdezka ez hadi hasi,
praile hok baietz esaten dute
baina nik ez det ikusi.
Galdera horrek hara semetxo
ez du erantzun samurrik,
ez da ikusten, ez da nabari,
ez da egiten agurrik,
kontzientzia garbi ibili
emanaz pauso ziurrik,
horrela inoiz ez dezu izango
Jaungoikoaren bildurrik.
Baina halare hori dala ta
zuk ez estutu kolkoa,
gizonak beti garbitasuna
behar degu gogokoa,
hau egin zazu, horrenbestekin
dezu zeuretzat nahikoa,
gizatasuna da gizonontzat
mundu hontako jainkoa.
Datu-base honetan eskainitako informazioari buruz jakiteko, kontsultatu lege oharra