Bertsoak - Fitxa ikusi Atal honi buruz gehiago jakiteko
1989-04-29 Legazpi Jaialdia [Bertsoa] / Bittor Agirre "Bitti", Andoni Egaña
| Bertsoa entzun |
1989-04-29 Legazpi Jaialdia [Bertsoa] / Bittor Agirre "Bitti", Andoni Egaña
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Egaña
Ikastolaren aurka aritu
zaizkigu jo eta hautsi,
mingain dexente daukate baina
juizioa nahiko gutxi,
ni hiru urtez hasi nintzan da
bastante gerora utzi,
ta neri behintzat han ez zidaten
holakorik erakutsi. (BIS)
B. Agirre
Jende horreri ez dakit nola
nik hemendikan hitzegin,
gu oinperatzen egiten dute
hoiek nahikoa ahalegin,
berak ez dute pentsatzen baina
guri digute hutsegin,
buru arinak dirade hoiek
eta kasorik ez egin. (BIS)
Egaña
Del Olmo berak ez al du bultza
triska eta sesiua,
bera zan buru irrati hortan
beste batzun soziua,
ikastoletan ikasi degu
maitasunan desiua,
Del Olmok pozik hartuko luke
gure edukaziua. (BIS)
B. Agirre
Guk nahi deguna egiten behintzat
ez dezala galerazi,
erantzun onik nere eritziz
gizonak ez du merezi,
gu euskaldunak goi mailan honek
ezin gaitu ikusi,
pakean utziko baliguke
beretzat e(re) hobe kasi. (BIS)
Egaña
Euskaldungoak ez ote degu
horrenbeste kategori,
pertsona horren lur eskasean
ez gaitezean erori,
nik anormala deituko nion
gustora Luis del Olmori,
anormalentzat burla haundia
izango ez balitz hori. (BIS)
B. Agirre
Horrentzat hemen arrazoi onik
ez da batere izango,
orain da beti Del Olmo hori
gure aurka da egongo,
edukatu ta errespetoa
behar du berak lehenengo,
Donostin bizi izana balitz
ez zuen hon esango. (BIS)
Datu-base honetan eskainitako informazioari buruz jakiteko, kontsultatu lege oharra