Bertsoak - Fitxa ikusi Atal honi buruz gehiago jakiteko
1989-02-04 Mutriku Jaialdia [Bertsoa] / Modesto Maiz "Okelar II"
| Bertsoa entzun |
1989-02-04 Mutriku Jaialdia [Bertsoa] / Modesto Maiz "Okelar II"
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Eskerrik asko anai arrebok
ez dakit nundikan hasi,
erregalo hauek ikusi eta
ez nahike juan igesi,
ni baino hobeak asko daude-ta
hala ere neu berezi,
estimatzeko gauza da baina
hainbeste ez nuan merezi.
Bizi guztian gutxi dirade
era hontako egunak,
guztia argi ikusten det gaur
ez du indarrik ilunak,
orain badakit nere herrian
dauzkat egizko lagunak,
hainbeste ez nindun maite izango
ni munduratu nindunak.
Zuen aurrean gauza garbi
egin nahi nuke aitortu,
nereganako maitasun on bat
gaur egin dezute sortu,
ta erregalo ematen ere
bela ez zerate aspertu,
pena bat daukat nik ezin neike
behar bezela eskertu.
Zuen aurrean aurkitzen naiz
errespetoz eta umil,
neri on egin naian gaur hemen
hainbeste jende baidabil,
ta zor hau ongi ordaindu arte
ezin neike bizi trankil,
zuen zerbitzun nahi nuke bizi
ta zuek zerbitutzen hil.
Datu-base honetan eskainitako informazioari buruz jakiteko, kontsultatu lege oharra