Bertsoak - Fitxa ikusi Atal honi buruz gehiago jakiteko
1991-02-17 Sara Jaialdia [Bertsoa] / Jon Enbeita
Bertsoa entzun |
1991-02-17 Sara Jaialdia [Bertsoa] / Jon Enbeita
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Gaua etortzen ez den artean
ez zaigu bizten izarrik,
gure Herriko gaba honetan
badugu argi edarrik,
zuentzat badut anai presoek
bihotz barneko didarrik,
jakin zazute guda honetan
ez zaudetela bakarrik.
Menpean denak beti beregan
jarria du desgrazia,
une batean ezin da galdu
urtetan irabazia,
zuen hildotik etorriko da
iguzkiaren grazia,
kate artean erein duzue
libertadeko hazia.
Zenbateraino sofritzen duten
ez daukagu zertan galde,
menpe girenok nahi dugu noizbait
izan buruaren jabe,
abertzaleak baldin bagara
bilduta jokatu alde,
izan gaitezen Herrian pozik
kate ta burnirik gabe.
Datu-base honetan eskainitako informazioari buruz jakiteko, kontsultatu lege oharra