Bertsoak - Fitxa ikusi Atal honi buruz gehiago jakiteko
1991-09-07 Ordizia Jaialdia [Bertsoa] / Joxe Agirre
| Bertsoa entzun |
1991-09-07 Ordizia Jaialdia [Bertsoa] / Joxe Agirre
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Astoak zerbait gutxitu dira
hau ez dago ukatzerik,
nola ez dagon era zaharrean
beti hemen jokatzerik,
garai batean ez zan izaten
asto gabeko etxerik,
baina orduan mendira ez zan
kamino eta kotxerik. (BIS)
Zaharrak geranak lehengo kontuak
ez dauzkagu ahaztuak,
urte gutxian jarri dirade
hemen bazterrak nahastuak,
badakizute sortu dirala
tratore eta trastuak,
horregatikan bakandu dira
zaldiak eta astuak. (BIS)
Garai batean astuak ere
bazuen nahiko meritu,
baina itxura danez oin ezin
horrekin lanean aritu,
balaz ta guzti asto faltarik
neri ez zait iruditu,
lau hankakoak bakandu dira
ta bikoak ugaritu. (BIS)
Datu-base honetan eskainitako informazioari buruz jakiteko, kontsultatu lege oharra