Bertsoak - Fitxa ikusi   Atal honi buruz gehiago jakiteko

1991-01-13 Donostia Jaialdia [Bertsoa] / Jose Luis Gorrotxategi

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Eguna (23. 1991. Donostia)
Saioa
1991-01-13 Donostia Jaialdia
Bertsolariak / Egileak
Gorrotxategi, Jose Luis
Lana
Bakarka gaia-emanda
Jarritako gaia
Zuk ere ilusio pixka bat bazenuen. ba, gizarajo horrek. Ez dezu suerterik izan. Errege bezperan jarri dituzu zerbaiten esperantzan zapatak, eta lo zaudela harrapatu egin dizkizute.

Deskribapena

Doinua
Mundu honetan holako gauzak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1991-01-13 Donostia Jaialdia [Bertsoa] / Jose Luis Gorrotxategi

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

"Gorrotxategi hi bobua haiz"
pentsa izan dei sarritan,
hori dela ta ari natzaio
neure buruari erritan,
pentsatze hutsak negar malkoak
sortzen dizkit bi begitan,
azkarragorik badabil hemen
ilargiaren argitan,
erregeena kontua degu,
lapurrarena egitan.

Takoi altua mutur zorrotzak
ta gainean lokarriak,
"cuarenta y cinco" numeroa ta
kolorez gorri-gorriak,
oihu edo zerbait egin behar det
entzun dezala herriak
zein antekristok eraman ditu
nere zapala berriak?
Alicante-ko Corte Ingles-en
erosi ta ekarriak.

Andrea ere errukitu zan
ni horrela ikusita,
merke aldiak zeudela eta
Bilbora azkar bisita,
gustokorikan ez nun aurkitu
pilan bilatzen hasita,
ta nolatan ez nun galdu nahi
gaurko Donostiko zita.
dotore asko hementxe nator
koinaduanak jantzita.

Datu-base honetan eskainitako informazioari buruz jakiteko, kontsultatu lege oharra