Bertsoak - Fitxa ikusi   Atal honi buruz gehiago jakiteko

1991-05-05 Hernani Jaialdia [Bertsoa] / Jon Lopategi, Mañukorta

Bertsoa entzun  

Informazio orokorra

Kategoria
Bat-batekoa
Saioa
1991-05-05 Hernani Jaialdia
Gai-jartzailea
Arrieta, Joxe Mari
Bertsolariak / Egileak
Lopategi, Jon
Mañukorta
Lana
Binaka gaia-emanda
Jarritako gaia
Lopategi, botoa botatzera joan egin behar dela dioena eta Mañukorta, botoa ematen nazkatuta dagoena.

Deskribapena

Doinua
Arratsalde on lehendabizitik
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1991-05-05 Hernani Jaialdia [Bertsoa] / Jon Lopategi, Mañukorta

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


Lopategi
Sarritan gure pentsamentuak
gerta daitezke aldrebesak,
baina goguan izanik beti
Herri zahar honen ametsak,
ez daitezela zuen jokoak
gertatu inoiz traketsak,
botoa bota zazute denok
baina abertzaleentzat. (BIS)
Mañukorta
Propaganda ta gezur ugari
hor dute danak batera,
milagrorikan ez dute egingo
kontuak ongi atera,
aurrian hitzak guri egin da
bete nahi dute kartera,
neretzat danak alperrik dira,
ni ez nua botatzera. (BIS)
Lopategi
Badakizu zuk gure Herria
gaur burrukan ari dena,
hogeitaseian ikusiko da
zein den jende argiena,
Herri guztiek izan dezaten
alkate egokiena,
bere herriaren gogua zer den
arduratzen dakiena. (BIS)
Mañukorta
Propagandetan aurpegi alaiak,
ezkutaturik muturrak,
eta ezertxo emateko hor
arkitutzen dira zakurrak,
nere ustetan danak ez baina
gehienak dira maltzurrak,
hamarretatik zortzi ta erdi
ez ote dira lapurrak? (BIS)
Lopategi
Lapur artean ere noizbehinka
sortu ohi zaigu izarra,
batasunean lortu daiteke
gure Herriaren indarra,
askalasuna eskuratzeko
beti da bultza beharra,
hargatik degu gure HB
talde abertzale bakarra. (BIS)
Mañukorta
Kontzientzian nere mingaina
gaur hemen nahi nuke dantza,
berdin-berdina dira zuria,
berdin gorria ta baltza,
lanik ez eta hainbat nahigabe
eta galtzen du baratza,
nere iritziz guztiok ere
badute alkarren antza. (BIS)
Lopategi
Denetariko jendea degu,
hori guztiok jakina,
baina ez degu alperrikoa
bertsolarien mitina,
norbaitek beti izan behar du
saiatua ta ekina,
zuk ere ez zazu aprobetxatu
beste batzuek egina. (BIS)
Maúukorta
Jainkomendiko artzai baldar hau
ez degu oso tontua,
hainbat esne ta hainbat haragi
Europatikan sartua,
kuIparik gabe galtzera doa
baserriaren frutua,
gauza guztiak ongi jartzean
nik botako det botua. (BIS)

Datu-base honetan eskainitako informazioari buruz jakiteko, kontsultatu lege oharra