Bertsoak - Fitxa ikusi Atal honi buruz gehiago jakiteko
1991-07-20 Legazpi Jaialdia [Bertsoa] / Euxebio Igartzabal
| Bertsoa entzun |
1991-07-20 Legazpi Jaialdia [Bertsoa] / Euxebio Igartzabal
Neurria:
KOPLEN MULTZOA
Kokapena:
XDZ - Xenpelar Dokumentazio Zentroa
Egiten badet parranda,
trago batzuek edanda,
hurrengo eguna igaro behar
ohean etzanda,
egiak garbi esanda,
gaztea leheno nintzan da
sarri ni nago sufritzen eta
andreak demanda. (BIS)
Ta egiten badet dantza,
zenbat zabu ta balantza,
gorputza zutik edukitzeko
kezka edo zalantza,
pasa ondoren arratsa,
zer egoera narratza,
gorputza minez, burua ere bai,
eztarria latza. (BIS)
Puzkarra eta eztula,
bate tarterik ez dula,
holakorikan lehenago
ez nun pentsatzen sekula.
Zertarako egin burla?
Zertarako disimula?
Sasoia ere agur egiten
hasia zaigula. (BIS)
Bukatu baina lehenago,
azalduko det zeharo,
behar bada gaur esan dizuet
dan baina gehiago,
oraindik ez naiz akabo;
oraindik ez naiz hain babo,
baina gero ta gertuago dut,
antzemanda nago. (BIS)
Datu-base honetan eskainitako informazioari buruz jakiteko, kontsultatu lege oharra