Bertsoak - Fitxa ikusi Atal honi buruz gehiago jakiteko
1992-03-19 Andoain Jaialdia [Bertsoa] / Sebastian Lizaso
| Bertsoa entzun |
1992-03-19 Andoain Jaialdia [Bertsoa] / Sebastian Lizaso
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Euskal gudari eta presoak
beste askoren antzeko,
ta gobernu bat, legeak jarri,
denak sakabanatzeko,
asmoa dute pixka banaka
hoieri hiltzen uzteko,
ta gose greba hasi ziguten
eskubideak lortzeko;
gauza bakarra esaten dute:
Kanpotikan laguntzeko! (BIS)
Greba horrekin makina batek
ba omen dauka zalantza,
hogei kilotik gora galdu ta
gorputzai pasara latza,
baina jendeak sinetsiko du
hortan badet esperantza,
nahiz- ta ezezka ari diraden
San Martin eta Ardantza,
gidari hoiek ez al daukate
funtzionarioen antza? (BIS)
Preso dagonak nahi izan arren
ezin egin indarrikan,
agintariek banatzen dute
zigor eta egurrikan,
baina ez pentsa haiek ez dute
hemen inon beharrikan,
denok elkartuz laguntasuna
eman behar hemendikan,
abertzaleak ez degu behar
mingainetik bakarrikan. (BIS)
Datu-base honetan eskainitako informazioari buruz jakiteko, kontsultatu lege oharra