BDB Bertsolaritzaren datu-basea

Informazio orokorra

Kategoria

Bat-batekoa

Saioa

1992-07-26 Donostia Jaialdia

Gai-emailea

Izeta, Nikolas

Bertsolariak / Egileak

Egaña, Andoni

Lana

Bakarka gaia-emanda

Jarritako gaia

Egañak atzekoen horoskopoa egin behar du: lana, osasuna, eta maitasuna kontutan hartuta.

Deskribapena

Doinua

Santa Barbara zure bizitza A

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1992-07-26 Donostia Jaialdia [Bertsoa] / Andoni Egaña

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Gure Lizaso osasunetik
zabiltza nahiko aldrebes,
baso mordo bat hustu ohi dezu
ta Montekristoak errez,
martxa honetan laister da gota
ta zirrosis ere errez,
zuk kamamila edan behar dezu
txanpaina edan beharrez. (BIS)

Lan kontuetan etorkizuna
nahiko beltza daukazu,
egiten ere ez dezu ikasi
bada nahiko enbarazu,
telefonoa eskuan hartu
negoziotan jo-ta-su,
diru pixka bat egitekotan
gutxio gastatu zazu. (BIS)

Bestetan gaizki baldin badabil
maitasunean akabo,
mutil resultoi ta fanfarroi bat
izan genuen lehenago,
ta orain berriz Michelin-eko
gizonan tipoan dago,
zure andreak ez zaitu maite
ta keridak gutxiago. (BIS)

Peñai're zerbait egin beharko
Sebastianen antzera,
osasunetik mukizu hori
hasia dago galtzera,
berriz da laister Euskal Herriko
Txapelketaren hasera,
Egañarekin akordatuta (BIS)
izango dezu ultzera.

Lanean berriz aterik ate
liburuak salduz zaunka,
zer eginikan ez da izaten
jendearen nahien aurka,
alper-alperrik zabiltza Peña
inola ezin da uka,
era hortako lan txatxu batek (BIS)
etorkizunik ez dauka.

Nexka kontuan saiatzen zera
bihotzez bejondeizula,
baina aspaldi behera begira
daukazu zure brujula,
neskatxa bati muxu ematen
ez det ikusi sekula,
beste azera pasako zera(BIS)
zerorrek ez dakizula.