Bertsoak - Fitxa ikusi   Atal honi buruz gehiago jakiteko

1992-06-14 Ereñotzu Jaialdia [Bertsoa] / Anjel Mari Peñagarikano, Xabier Zeberio "Zeberio I"

Bertsoa entzun  

Informazio orokorra

Kategoria
Bat-batekoa
Saioa
1992-06-14 Ereñotzu Jaialdia
Gai-emailea
Otxotorena, Jose Manuel
Bertsolariak / Egileak
Peñagarikano, Anjel Mari
Zeberio, Xabier "Zeberio I"
Lana
Binaka gaia-emanda
Jarritako gaia
Zu, Zeberio, mendira joan eta istripuz zulo batera erori zera, bi hankak hautsi eta oihuka ari zerala, haitzaren puntan putre bat dago, Peñagarikano.

Deskribapena

Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1992-06-14 Ereñotzu Jaialdia [Bertsoa] / Anjel Mari Peñagarikano, Xabier Zeberio "Zeberio I"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

X.Zeberio:
Koba zulo batean
halako komerik,
erori ta bi hankak
hautsiak ditut nik,
lagunduko zidala
hor batek edo bik,
baina, hi putrezarra,
ze asmo daukak hik? (BIS)
Peñagarikano:
Gizona dago gizen
ta putrea plako,
lehen ere nik pasa det
miseria pranko,
eta koba zulora
erori dalako,
nahiko okela badet
urte beterako. (BIS)
X.Zeberio:
Hori gaur esaten dek
hik aurpegi alaiz,
gerta leike etortzea
mendizale, apaiz,
oraindik izate'ituk
gizonaren usaiz,
neronek jango haut hi
deskuidatzen bahaiz. (BIS)
Peñagarikano:
Zulora erorita
hautsi hanka biak,
atzera ez dik egiten
okel gehiegiak,
lehenbiziko tripak
ta gero begiak,
hemen gozatu latza
hartu behar diat! (BIS)
X.Zeberio:
Bixitatu nahi nuen
nik mendi aldea,
beti izandu bainaiz
ni mendi zalea,
diadar egiten det
Ereñozu aldea,
eta putrezar honi
tiratu balea. (BIS)
Peñagarikano:
Etorri dan gizona
nola halakoa,
ta orraztu behar det
nik nere mokoa,
haundi samarra dauka
isatz ondokoa,
akabo Zeberio
Itsasondokoa. (BIS)
X.Zeberio:
Jan nahi ditu Gipuzkok
ta berdin naparrak,
baina Itsasondokok
zeuzkak urte txarrak,
espabila zaitezte
gazte eta zaharrak,
honek jango'itu gero
hemengo ardizarrak. (BIS)
Peñagarikano:
Zertara etorri zera
aizu neregana?
Orain hau jatea det
nik daukadan plana,
guztia jaten ere
nik badaukat lana!
Azariantzat utzi
sobratuko dana. (BIS)
X.Zeberio:
Beraz egunak dauzkat
orain kontatuta,
ni jatera dator hau
zuloan sartuta,
organuak'e dauzkat
ia banatuta,
nahio nuke hilko balitz
enbenenatuta! (BIS)
Peñagarikano:
Hemendik oso urruti
dago benenoa,
eta zure okela
da guztiz sanoa,
oraindik oso-osorik
zure organoa,
prestatu zaitez gizon,
ni hastera noa. (BIS)

Datu-base honetan eskainitako informazioari buruz jakiteko, kontsultatu lege oharra