Bertsoak - Fitxa ikusi Atal honi buruz gehiago jakiteko
1992-12-05 Azpeitia Jaialdia [Bertsoa] / Xabier "Euzkitze"
| Bertsoa entzun |
1992-12-05 Azpeitia Jaialdia [Bertsoa] / Xabier "Euzkitze"
Neurria:
Neurri luzekoak
Kokapena:
XDZ - Xenpelar Dokumentazio Zentroa
IHES-a daukat, gaixorik nago
ez naiteke luzaz bizi.
"Drogata ala homosexuala
bi hoietatik zer haiz hi?"
Galdera hau maiz egin didate,
ez du erantzunik merezi,
asko doazkit ihesi,
perjuizio eta guzi, (BIS)
desertoreek gauza bat jakin
behar lukete lehenbizi,
denok kutsatu egin gaituzte,
hau ez du inork erosi. (BIS)
Laguntzeko prest ditut sendia
eta lagunik onenak,
baina nun dira lehen hainbeste
maite omen nindutenak?
Lagun usteko zuri faltsoak
zuek zerate txarrenak,
hortik datoz nere penak,
sentimenturik latzenak, (BIS)
baina IHES-ak ihesik ez du
ohartu zaitezte denak,
bihar kutsatu zaitezketela
gaur baztertzen nauzuenak. (BIS)
Nahiz gazte naizen azkenetan da
nere bizitza laburra,
bere horretan onartu nahi dut
ez da batere xamurra,
akabo nere adiskideak,
agur sortu nauen lurra,
bizi nahia ta beldurra,
hauxe nahasketa makurra, (BIS)
baina negarrez ez dut egin nahi
nere azkenengo agurra,
duintasunez bizi nahi nuke
geratzen zaidan apurra. (BIS)
Datu-base honetan eskainitako informazioari buruz jakiteko, kontsultatu lege oharra