Bertsoak - Fitxa ikusi   Atal honi buruz gehiago jakiteko

1993-05-22 Orio Jaialdia [Bertsoa] / Sebastian Lizaso

Bertsoa entzun  

Informazio orokorra

Kategoria
Bat-batekoa
Saioa
1993-05-22 Orio Jaialdia
Gai-jartzailea
Urretabizkaia, Pello
Bertsolariak / Egileak
Lizaso, Sebastian
Lana
Bakarka gaia-emanda
Jarritako gaia
Zuk Sebastian, larogei urte dituzu. Bertsolaria izana zara, baina gauzak ez zaizkizu hain ondo joan eta beharrak jota kalera irten zera gaur, kale eskin batean bertso kantari ari zera... Baina orain arte behintzat ez dizute sosik ere bota. Ea orain kantatutako hiru bertsoen ondoren gauzak aldatzen diran...

Deskribapena

Doinua
Bizia ez da nehoiz egoiten
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1993-05-22 Orio Jaialdia [Bertsoa] / Sebastian Lizaso

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Ez nuen uste zahartzaroa
hain gauza gogorra zela,
gazte denboran zentzu gehiago
izango nuen bestela,
kale ertzean kantu ta kanta
baina hutsik det txapela,
ta ohartu naiz bakar bakarrik
orain gelditu naizela,
udazkenean zuhaitz gehienak
ostrorik gabe bezela. (bis)

Garai batean ibiltzen nitzan
herri batetik bestera,
zahartu naiz ta soldatarik ez
hutsikan daukat kartera,
kale ertzean eskean baina
neronentzako kaltera,
egun osoa hemen pasa ta
sosikan ez det atera,
lagunak ere joaten al dira
sasoiarekin batera? (bis)

Nere barruan nabaritzen det
korapilo nabarmena,
okerrena da urteen soka
bizirik ezin etena,
bizi nahiean deadar hau da
barrenetikan ertena,
neure buruaz neuk sufritu ta
gozatu ohi det gehiena,
lehen izanaren poza badaukat
ta orain naizenan pena. (bis)

Datu-base honetan eskainitako informazioari buruz jakiteko, kontsultatu lege oharra