Bertsoak - Fitxa ikusi   Atal honi buruz gehiago jakiteko

1993-08-01 Larraul Jaialdia [Bertsoa] / Sebastian Lizaso, Millan Telleria

Bertsoa entzun  

Informazio orokorra

Kategoria
Bat-batekoa
Saioa
1993-08-01 Larraul Jaialdia
Gai-jartzailea
Irazu Muñoa, Jexux Mari
Bertsolariak / Egileak
Lizaso, Sebastian
Telleria, Millan
Lana
Binaka gaia-emanda
Jarritako gaia
Peñak esana da Anjel Mari eta Peñagarikano nortasun desberdineko bi gizon dirala. Hemen daukagu Peñagarikano tabernan kafea hartzen eta horra etorri zaio Anjel Mari.

Deskribapena

Doinua
Txoriak eta txoriburuak
Neurria / Estrofaren izena
Zortziko handia (hg) / Lau puntuko handia (ip)

Edukiari buruz

Pertsonak
Peñagarikano, Anjel Mari

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1993-08-01 Larraul Jaialdia [Bertsoa] / Sebastian Lizaso, Millan Telleria

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

S.Lizaso:
Taberna baten kafea hartzen
ari nintzela jo ta su,
beste itzal bat nabaritu det,
egiten dit enbarazu.
Zer arraiotan jartzen didazu
horrenbeste konpromisu?
Nunbaitetikan ezagun gera,
bere tankera dezu. (bis)
Telleria:
Arrazoi dezu, zure abizen
horrek du hainbat histori,
telebista ta irratietan
horrenbeste kategori.
Koño! Zu al zera esaten duten
mutiko xelebre hori?
Peña txoro hoi zu al zerade?
Koño! Ez nintzan erori. (bis)
S.Lizaso:
Ez da gezurra nik bi nortasun
ditudala barrenean,
bakarrarekin ibili arren
beti edo gehienean;
ta, Anjel Mari, ez zaitez jarri
zu nere aldamenean,
Peña bakarrik izan nahi nuke
kantura natorrenean. (bis)
Telleria:
Galtza moderno eta txaketa,
nolako mutil prestua!
Planta soilikan izateko're
badaukazu arriskua.
Mostradorean tikiti-taka,
zertan jotzen duk eskua?
Esaten dio neskameari:
"Benga kafea, la oskua!" (bis)
S.Lizaso:
Itxoin-itxoin! Ez zaitez hasi
beti bezela berritsu;
zer arraiotan neri begira
geldirik zaude, Maritxu
Ta lagun, Pello, ate ondoan
guardian egon zaitez zu,
ta Anjel Mari etortzen bada
ez nagola esaiozu. (bis)
Telleria:
Eta horrela bete nahi nuke
Anjel Mariren papela.
Aldamenean zertarako det
holako mutil pardela?
Esan Peñari Egaña ere
honuntza badatorrela,
eta kontatu neska batekin
ligatzera joan naizela. (bis)

Datu-base honetan eskainitako informazioari buruz jakiteko, kontsultatu lege oharra