Bertsoak - Fitxa ikusi   Atal honi buruz gehiago jakiteko

1993-09-25 Azpeitia Jaialdia [Bertsoa] / Iñaki Murua

Bertsoa entzun  

Informazio orokorra

Kategoria
Bat-batekoa
Saioa
1993-09-25 Azpeitia Jaialdia
Gai-jartzailea
Xabier "Euzkitze"
Bertsolariak / Egileak
Murua, Iñaki
Lana
Bakarka gaia-emanda
Jarritako gaia
Frantzian gertatua da duela hainbat hilabete: Sikopata batek, burutik jotako batek, irakasle bat eta bere gain zeuden guztiak gela batean gorde zituen sekuestraturik. Irakasleak ipuin bat kontatuz esplikatu zien, haurtxoei, gertatzen zena. Ze ipuin klase kontatu ote zien?

Deskribapena

Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1993-09-25 Azpeitia Jaialdia [Bertsoa] / Iñaki Murua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Gizon gaizto bat etxe batean
berehala sartu zan gauez,
zeuzkan arma haien lege bakarra
garbi azalduaz aurrez;
aita ta ama berak hartuta
eraman zitun indarrez,
seme-alabak etxean utziz
bakardadean beldurrez.

Hurrengo egunez egunkarian
lau albisteren tartean,
aita ta ama falta zaizkie
herriko etxe batean,
laister bildu zen jende multzoa
preso zeuzkaten atean,
esanaz: "inor ez da joango
hauek askatu artean."

Sentimentua jarri zen, beraz,
gizalegearen maizter;
gero ta jende gehiago bildu
kalez-kale, bazter-bazter;
eta libratu behar izan zuten
bikote jatorra laister;
gauzik zailena gainditu leike
elkartasunari esker.

Datu-base honetan eskainitako informazioari buruz jakiteko, kontsultatu lege oharra