Bertsoak - Fitxa ikusi Atal honi buruz gehiago jakiteko
1993-06-12 Bergara Jaialdia [Bertsoa] / Mikel Mendizabal
| Bertsoa entzun |
1993-06-12 Bergara Jaialdia [Bertsoa] / Mikel Mendizabal
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
Balkanetako gerrak
dirau urtebez,
eta itxura onik
han ez dago batez.
Bortxakeriak nunahi
ta haurrak negarrez;
konponbide izpirik
ez dago, tamalez...
Arrazoirik ez dago
ta hitzik ere ez.(bis)
Hango triskantzak eta
hango sarraskiak,
hango armen hots eta
hango angustiak;
etxe eta kaleak
odolez bustiak,
argirikan ez dauka
pake eguzkiak...
Lotsatu behar ginake
gizaki guztiak.(bis)
Gure partaidetza ere
ez da noski hutsa,
denon esku baitago
pakearen funtsa.
Han dute herioa
ta dute gurutza,
zerbait bidal dezagun
hemendik haruntza:
lehenbizi kontzientzia
ta gero laguntza.(bis)
Datu-base honetan eskainitako informazioari buruz jakiteko, kontsultatu lege oharra