BDB Bertsolaritzaren datu-basea

Informazio orokorra

Kategoria

Bat-batekoa

Saioa

1993-06-18 Olaberria Jaialdia

Gai-jartzailea

Madariaga, Joxepa

Bertsolariak / Egileak

Irazu Muñoa, Jexux Mari

Lujanbio, Maialen

Sarasua, Jon

Lana

Hirunaka gaia-emanda

Jarritako gaia

Hemen dauzkagu erlauntzian hiru erle: Maddalen, erregina; erle alperra, Irazu; eta langilea, Sarasua

Deskribapena

Doinua

Adixkidia Andoaindikan

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1993-06-18 Olaberria Jaialdia [Bertsoa] / Jexux Mari Irazu Muñoa, Maialen Lujanbio, Jon Sarasua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Lujanbio:
Erle hauekin tokatuko zait
panorama nahiko ilun,
jarrai xamarrik ezin baitira
bi hauek lanean jardun,
ta langileai esan nahi diot,
mesedez, zuk ondo entzun:
erle alperra ia behingoan
espabilatzen didazun!
J.Sarasua:
Hara ta hona ni beti nabil
lanaren ahaleginean;
nere alboan dagon alper hau
nago ikusi ezinean.
Inoiz kolperik ez digu jotzen
ta eztia mingainean,
ta gero beti bera jartzen da
erreginaren gainean.
Irazu:
Normala denez, ezin abitu
plan egiteko bidian;
zoriona ta lan egitia
elkarrengangik aldian.
Ai, erregina, arrautz txikiak
jartzen dituzu kabian!
Ai, erregina, ze eingo zenduke
zanganorikan gabian?
Lujanbio:
Nere gainian jarri ta ez jarri
zergatik ez da isiltzen;
erregina hau holakoetan
ez da askotan aritzen,
eta alperra saiatze'ez bada
loreen hauts hori biltzen,
laister baino lehen jarri behar det
nere ingurua garbitzen.
J.Sarasua:
Zangano honek sekula ez du
lanikan egiten bate;
beste bi hauen bizimodua
langileontzako kalte;
eta, gainera, honek gauero
erregina digu maite...
Besteik ez bada noizik eta behin
nere gainean jar zaite.
Irazu:
Gauza haundirik ezin det egin
horren gauza txikiekin;
hemen gustorik ez badezu zuk,
beste batera aldegin;
ta erreginan agindu hori...
Ez al du gaizki hitzegin?
Lore-hautsak biltzen... Nahikoa ez al det
lore-hautsak botatzeakin?
Lujanbio:
Langileai're langile antzik...
nik ez diot bate ematen;
ta beste lanak egitekotan
aze gogoa daukaten...
Ta alper horrek "hautsak botatzen"
esan du halako baten;
horrek nei ez dit ez eztirik, ez
eztitasunik ematen.
J.Sarasua:
Erregin honek lan egin gabe
pribilejio txokoa,
ta beste honek beti izan du
engainuaren jokoa.
Gizon artean ere daukagu
oso kuadro antzekoa:
Hau erregea, ni langilea
eta hau politikoa.
Irazu:
Gauza onikan ez degu gero
dena politizatuta!...
Lore guztiak jarri itzazu,
denak polenizatuta;
ta erregina ondo zaudenik,
noski, ezingo dezu uka,
eztia jan da arrautzak egin,
beste lanik ez dezu ta.