BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Osinalde Saria (22. 1993. Gabiria)

Saioa

1993-04-24 Gabiria Sariketa

Gai-emailea

Elgarresta, Ibon

Bertsolariak / Egileak

Agirre Goia, Unai

Irazu Muñoa, Jexux Mari

Zelaia, Iñaki

Lana

Hirunaka gaia-emanda

Jarritako gaia

Zuek hiru hizki edo hiru letra zarete, hiru bokal hain zuzen. U. Agirre A hizkia; Zelaia, E; Irazu, I. Defenditu bakoitzak zuen hizkia.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1993-04-24 Gabiria Sariketa [Bertsoa] / Unai Agirre Goia, Jexux Mari Irazu Muñoa, Iñaki Zelaia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

U.Agirre:
Orain hasi behar det
gure gai petrala,
I hizkiak burua
aidean duala,
eta E-k hiru hanka
martzianok bezala,
A hizkia izango da
ona ta normala. (bis)
Zelaia:
Abezedarioak
badauka indarra,
jendeak erabiltzen
digu barra-barra,
baina nere kasoan
ez al degu txarra
beti honen atzetik
ibili beharra? (bis)
Irazu:
I hizkiak'e badu
bere garrantzia,
hitz batzun esanahia
ez daukat ahantzia,
kristau izpiritua
gure iritzia,
Iparraldea eta
Independentzia. (bis)
U.Agirre:
Irazuk gaur kristona
bota du erdira,
baina ni hasiko naiz
berari begira,
hor nik ere garrantzi
latza daukat, tira,
bi hizkiak A-rekin
bukatzen baidira. (bis)
Zelaia:
Ordena aldatzeko
ez daukagu betik,
horragetikan ez det
beztuko kopetik,
E hi motel ze habil
esanaz kolpetik,
kasu horretan nago
Irazun aurretik. (bis)
Irazu:
Unai izanagatik
nahiko hitz zabarra,
I-an bukatzen zaigu
hori ez da txarra,
eta gainera daukak
onartu beharra,
Txirritak bi I zeuzkak
eta A bakarra. (bis)