Bertsoak - Fitxa ikusi   Atal honi buruz gehiago jakiteko

1993-02-13 Zestoa Jaialdia [Bertsoa] / Andoni Egaña

Bertsoa entzun  

Informazio orokorra

Kategoria
Bat-batekoa
Saioa
1993-02-13 Zestoa Jaialdia
Gai-emailea
Azkune, Laxaro
Bertsolariak / Egileak
Egaña, Andoni
Lana
Bakarka omentzea
Jarritako gaia
Gaurko saio hau ez nuke bukatu nahi gizon bat aipatu gabe: Lazkao-Txiki.

Deskribapena

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1993-02-13 Zestoa Jaialdia [Bertsoa] / Andoni Egaña


Kokapena:  XDZ - Xenpelar Dokumentazio Zentroa 


Bart arratsean Lazkao-Txikiz
pentsamenduan nenguan,
txoriak ere gehientsuetan
isiltzen dira neguan,
udaberrian piztuko zaigu
txori txikien moduan,
hemen nahi degu onduan,
besteokin tabladuan, (bis)
ze leku gutxi behar zun harek
gurekin zegon orduan,
ta falta zaigun garaian berriz
ze hutsune utzi duan! (bis)

Nun galdu zaigu bertso on baten
ondoreneko marmarra?
Nun galdu zaigu ziri sartzea?
Nun galdu da irriparra?
Fintasuna ta gordinkeria
berezi ohi ditun marra,
lehen zebilen txirri-txarra,
moteldu da motor zaharra,
Txikiaren bihoztzarra, (bis)
umorea da zu esperantzan
mantentzen zaitun indarra,
ta esperantza da gu umoretsu
mantentzen gaitun bakarra. (bis)

Zuk behin Zestuan aipatu zendun
sehaskan kulun-kuluna,
eta aitortu euskera ere
bertatik hartu zenduna,
ta orain faltan botatzen degu
zure bertsozko jarduna,
ai adiskide kuttuna,
bertsolari on txukuna,(bis)
algara dena, txalo den-denak
zuretzat dira laguna,
ta maitasunak egin dezala
medikuntzak ezin duna. (bis)

Datu-base honetan eskainitako informazioari buruz jakiteko, kontsultatu lege oharra