BDB Bertsolaritzaren datu-basea

Informazio orokorra

Kategoria

Bat-batekoa

Saioa

1994-09-08 Zizurkil Jaialdia

Gai-jartzailea

Garmendia, Jon "Txuria"

Bertsolariak / Egileak

Irazu Muñoa, Jexux Mari

Lana

Bakarka gaia-emanda

Jarritako gaia

Hiru bertso botatzeko gai hau jarri zion aurrerago U.Agirreri: Gauean festa eginda eguerdiko hamaiketan iritsi zara etxera eta atea ireki orduko amaren aurpegiarekin egin duzu topo. Honela esan dizu: " gaur ere ardoz lepo eginda zaude, seme! ". Agirreren bertsoen ondoren honela galdetu zion gaijartzaileak Irazuri: Amak zer dio erantzuna entzutean?

Deskribapena

Doinua

Santa Barbara zure bizitza A

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1994-09-08 Zizurkil Jaialdia [Bertsoa] / Jexux Mari Irazu Muñoa

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Zazpiak arte bapo antxian
ni egon naiz hor logelan,
eta zu berriz, traguak hartzen
"Zintzarri-n" edo bodegan;
egia esan bietatikan
normalki, hobena zer dan,
galtza barrenak ere bustita
dauzkazu ate sarreran...
Zein haur polita egin zintudan
ta zenbat narrastu zeran.(bis)

Hemeretzi urte eta soltero
laister sartuko da apez,
ta lagun on bat bilatu arte
amak eman behar babes;
berandu irten ta goiz etorri
hau dabil nahiko aldrebes,
galderatxo bat egingo dizut
eta erantzun mesedez:
mokau goxorik probau al dezu
edo edan besterik ez?(bis)

Ondo dakigu gaurko gazteen
ibilera zein txarra den,
heuren osasun guztia ere
izorratuaz nabarmen;
ta ama berriz ezin sufritun
derrigorrez dago hemen,
ikusten zaitut zutikan egon
ezinean nola zauden...
Dutxatik pasa ta segi ohira
aitak ikusi baino lehen.(bis)