BDB Bertsolaritzaren datu-basea

Informazio orokorra

Kategoria

Bat-batekoa

Saioa

1994-10-22 Berriatua Jaialdia

Gai-jartzailea

Basterretxea, Jose Luis "Altzalei"

Bertsolariak / Egileak

Bilbao, Leire

Omagojeaskoa, Jon Mikel

Lana

Binaka gaia-emanda

Jarritako gaia

Newton zientzilari famatua grabitatearen legeaz jabetu ei zen sagar bat buru gainera jausi zitzaion batean. Zu Jon Mikel Newton izango zara, eta zu Leire sagarra.

Deskribapena

Doinua

Zeru altuan zegoen Jaunak

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1994-10-22 Berriatua Jaialdia [Bertsoa] / Leire Bilbao, Jon Mikel Omagojeaskoa

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Omagojeaskoa:
Kalera urten ta atzean utzi dut
nire etxeko atea,
deskantsu apur bat behar nuen da
hantxe utzi dut katea,
sagar ergel hau erori eta
buruan dut desastrea,
erdi odoletan utzi nau eta
hau da hau grabitatea.
Bilbao:
Ni sagar bat naiz ta zuhaitzetik
nola jausi naizen hemen,
Newton hauxe tontokeritan
be hasi zaigu nabarmen.
Bere burura jausi naiz eta
ni be bertan, "mekasuen"!
nik egindako tontorroi hori
aurretik ere bazuen.
Omagojeaskoa:
Urte askotan izan omen dut
serioaren ohitura,
baina egoera honetan ez dit
ezertxok ere ardura,
hau kolokoia, ene nun nago!
bota behar dut aingura,
zorabiotan ikusten ditut
masa ta abiadura.(bis)
Bilbao:
Masarekin ta abiaduraz
badu hainbat azterketa,
baina sorpresa bat ere lehendik
berari nion gordeta,
zuk hobe duzu gaur isiltzea
jarri aurretik erreta,
hurrengo baten hospitalera
bidaliko zaitut eta.
Omagojeaskoa:
Arazo denen giltza lortu dut
ezin egin orain uko,
beatzi koma zortzi bat metro
ta segundu karratuko,
dena erortzen da noizbait gorantza
bidali izan orduko,
etxera noa zeru guztia
hemen aurkitu orduko.