BDB Bertsolaritzaren datu-basea

Informazio orokorra

Kategoria

Bat-batekoa

Saioa

1994-08-24 Arrasate Jaialdia

Gai-jartzailea

Segurola, Nikolas

Bertsolariak / Egileak

Larrañaga, Gregorio "Mañukorta"

Sorozabal, Jokin

Lana

Binaka gaia-emanda

Jarritako gaia

Saio honen aurretik bi hauek afaltzen ari zirela telefonoz deitu dio andregaiak Jokin Sorozabali. Hura telefonoan zen bitartean Gregoriok bien afariak jan ditu.

Deskribapena

Doinua

Minberatu zaizkigu

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1994-08-24 Arrasate Jaialdia [Bertsoa] / Gregorio Larrañaga "Mañukorta", Jokin Sorozabal

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Mañukorta:
Sarri gertatutzen da
gure historia,
alkarrizketa zendun
oso dotoria,
jan eta jan guztia
hemen eroria,
gaurkuan nik jan bai det
bion afaria.
Sorozabal:
Hemen ari ginan gu
mahaien jarriz,
Mañukorta zegoen
gose ta egarriz,
ni joandakoan denak
jan dituk pikardiz,
noiz afaldu huen hik
azkeneko aldiz?
Mañukorta:
Hamaika gose-egarri
munduan pasiak,
honelako batzuei
gaurkuan graziak,
hauek nola etziran
gaur jan itsusiak,
gaurkoz kendu dizkiat
asteko gosiak.
Sorozabal:
Goseak etorri da
hori nabarmena,
baina halare dago
eder ta gizena,
neri egin didana
ez ta hain zuzena,
afaria bai gendun
hemen erdibana.
Mañukorta:
Hizketara juanda
ari eta ari,
"te quiero" esanakin
bere lagunari...
Ondo jan eta eran
ederra da hori,
gosiak gelditu haiz
izorratu adi!
Sorozabal:
Mañukorta hau degu
harro ta trastea,
baina ez pentsa denik
dena ez-ustea,
berdintsu zait afari
guztia uztea,
afaria galdu det
baina ez bestea.