1994-05-20 Aretxabaleta Jaialdia [Bertsoa] / Xabier Amuriza, Andoni Egaña

Amurizak Egañari bota zion bertsoa. Saioan zehar bertsolariak jardun zuten elkarri
gai-jartzen. Aurreko bertso-sortan Mikel Mendizabalek jardun zuen doinu gutxi erabili bat hartu eta
bertsotan bertsolariei gai-jartzen.

Deskribapena

Doinua

Esateko ez naiz lotsa

Neurria / Estrofaren izena

KOPLEN MULTZOA

Edukiari buruz

Pertsonak

Amuriza, Xabier

Egaña, Andoni

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

1994-05-20 Aretxabaleta Jaialdia [Bertsoa] / Xabier Amuriza, Andoni Egaña

Neurria: KOPLEN MULTZOA
Kokapena: XDZ - Xenpelar Dokumentazio Zentroa

Amuriza:
Mikel zirikatzen jardun
nor ote garen fededun,
kontrariorik ez nuke izango
gaur hoberik inun,
gaia zentratu dezagun,
zer diok Egaña egun,
barkatu baina ni ahaztua naiz
noiz izan nintzen txapeldun.
Egaña:
Aritu zaigu kanpainan
halako era alaian,
iruditzen zait oraindik dabil
txapelan usaian,
bazkaldarrak ase nahian,
ura ta ardoa mahaian,
biak'e onak ditugu baina
bakoitza bere garaian.
Amuriza:
Mahaian txanpainakin busti,
berdin ilun nahiz eguzki,
puru erretzaile honek neronen
tranpak badakizki,
dela Bilbo nahiz Donosti,
jendeak hor ziok noski:
Amurizaren jarraitzailea
ez zebilek horren gaizki.
Egaña:
Ez zaite izan txepela,
ez neri hasi horrela,
bururik buru martxa onean
joan da txapela,
onartu ezazu bela,
denek dakiten bezela:
ikasle onak maisu zaharra
beti gainditzen duela.
Amuriza:
Hori konpreni zitekek,
belaunaldiak hor zeudek,
hik ondo asko diok zer dion
esaera batek.
Ni hori entzunda laket,
eta hik sinesten badek
beraz hortatik hi ere laster
gaindituko hau norbaitek.
Egaña:
Hori egi borobila,
atzetik datorren pila,
hoiei uztea da Egañaren
desio umila,
gure arteko iskanbila,
nor da biotan abila,
zalantza zure alde dago ta
dudan geratu dadila.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko