Bertsoak - Fitxa ikusi Atal honi buruz gehiago jakiteko
1995-08-24 Bilbo Jaialdia [Bertsoa] / Manolo Arozena, Iñaki Murua
Bertsoa entzun |
1995-08-24 Bilbo Jaialdia [Bertsoa] / Manolo Arozena, Iñaki Murua
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
M.Arozena:
Bakarrikan nago ni
etxe inguruan,
soroan lanak egin,
ikuilura juan,
anai golfo bat badet
sortua munduan,
juergaz juerga hor dabil
betiko moduan. (bis)
Murua:
Nola zuri ez zaizun
parranda gustatu,
eta nik nahi nituen
hezurrak askatu,
lana erdibana egin deu
nahiz asko kostatu,
zuk dirua irabazi
eta nik gastatu. (bis)
M.Arozena:
Gehiegi daude hemen
gaur txoriburuak,
nahastutzen dituztenak
bere inguruak,
neronek ere ba'itut
nik nahiko erruak,
porrotan gastatze'itu
porruen diruak. (bis)
Murua:
Kalada bat badaukat
zuri emateko,
aurten kalidadea
inoiz baino hobeto,
parrandarako beti
egoten naiz pronto,
tonto jaiotzen dana
betirako tonto. (bis)
M.Arozena:
Ez da oso argia
anaia hau buruz,
baina juergan abila
gogo ta aburuz,
aurrerantz bide hortan
ibil zaitez kontuz,
ez joan tarjetakin
porroak ordainduz. (bis)
Murua:
Zuk ordain ditzakezu
nik hartutakoak,
gastuan soilik dabiltz
ditudan jokoak,
zuk ein itzazu lanak
gure etxekoak,
hemen sobrante daude
zu bezelakoak. (bis)
M.Arozena:
Pakea bilatu nahi
daukagun nahastean,
ez baita gauz onikan
honela hastean,
ibili zaitez ongi
zu egun luzean,
ni oporretara noa
datorren astean. (bis)
Murua:
Aprobetxa ezazu
daukazun aukera,
ia uxatzen dezun
"kaxero" tankera,
dexente gastatu det
baina zerbait gera,
esan nora zoazen,
biok joango gera. (bis)
M.Arozena:
Anaiaren galdera
kolpetik hori da,
aurpegia badauka,
jarri da begira,
nora joan behar dugun
galdezka ari da,
ni Benidorrera ta
zu hor baserrira. (bis)
Murua:
Nik Benidorra juan
behar det orduan,
baserria nun dagon
ia ez dut goguan,
galtzetan ximaurra du
ta kaspa buruan,
zu politago zaude
behi beltxan onduan. (bis)
Datu-base honetan eskainitako informazioari buruz jakiteko, kontsultatu lege oharra