BDB Bertsolaritzaren datu-basea

Informazio orokorra

Kategoria

Bat-batekoa

Saioa

1995-09-16 Aduna Jaialdia

Gai-jartzailea

Elizburu, Izaskun

Bertsolariak / Egileak

Agirre, Joxe

Peñagarikano, Anjel Mari

Zeberio, Xabier "Zeberio I"

Lana

Hirunaka gaia-emanda

Jarritako gaia

Zu Xabier, Xabier Zeberio bertsolaria zara. Joxe Agirre berriz, zure ahoko goiko hortz postizoak dira eta Peñagarikano beheko hortz naturalak. Nola konpontzen zarete hiruron artean?

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1995-09-16 Aduna Jaialdia [Bertsoa] / Joxe Agirre, Anjel Mari Peñagarikano, Xabier Zeberio "Zeberio I"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

J.Agirre:
Zeberio nik itxuraz
serbitzen zaitut zu,
hargatik zaude bikaina
gerri eta musu,
halare askotan aitzaki
ematen didazu,
hortz postizuarekin'e
bapo jaten dezu.

X.Zeberio:
Medikuna juan nitzan
hortza batzun faltaz,
postizoak jarrita
ein dut zenbat akats,
lehen intxaurrak txikitzen
nituen kriski kras,
oain yougurra jateko ere
ia ez naiz kapaz.

Peñagarikano:
Garai batean urra
edota intxaurra,
baina oain esan dezuna
ez al da gezurra?
Beti lanean ari naiz
nik daukat egurra,
gaur ere txupatu dezu
txuleta hezurra.

J.Agirre:
Nik ere serbitzen diot
gauza askotarako,
baina askotan dabil hau
hor nere kontrako,
kumunian utzitzen nau
ohera juaterako,
planta ederra hartzen det nik
gero goizerako.

X.Zeberio:
Haueri zertan egin
behar diet roska?
Laister ein behar dezute
nere ahutik ospa,
biak egin didate
mingainetik koska,
eguna pasatu det
mekauen dioska.

Peñagarikano:
Apetitu galanta
dadukazu noski,
txuletak jaten ditu
lau, bost eta zazpi,
gero hortzak garbitzen
palillo ta guzti,
aizu, "licor del polo"
ez dago hain garesti.

J.Agirre:
Gantxuak okertuta
zerbait kolokatuta,
aspaldian nago noski
nahiko flojatuta,
lehengo baten ahuan nitzan
erdi trabatuta,
ia laster hiltzen zeran
hortzak tragatuta!

X.Zeberio:
Hauek zer egingo zuten
lehen ere banekin,
hobe segitu banu
lehengo zahar haiekin,
tartetan garbitzen ditut
sagarduarekin,
hargatik daude orain
brilu ederrakin.

Peñagarikano:
Sagardoa ere gutxitan
ez dezu izaten,
baina garbitzen hasi
halakoren baten,
edota hasiko da
jendea esaten,
zu beti zabiltzala
regaliza jaten.

J.Agirre:
Hortzak ahuan koloka
plisti eta plasta,
bainan hala ere honek
txuletari zasta!
Berez jaiotakua da
triposoen kasta,
sagardoteian dauka
hortzetako pasta.

X.Zeberio:
Oraintxe daduzkat nik
berroeta sei urte,
hortza postizoak neri
ein didate kalte,
zeuen lana ondo betetzen
ez baldin baezute,
komoneko zulon behera
juango zerate.

Peñagarikano:
Jaten dezu txuleta
ta berdin pastela,
erdikoa gaizki dauka,
hagina ustela,
pentsa ezazu lanean
aspertu naizela,
hasi papila jaten
umeak bezela.