BDB Bertsolaritzaren datu-basea

Informazio orokorra

Kategoria

Bat-batekoa

Saioa

1995-05-13 Muxika Sariketa

Gai-jartzailea

Enbeita, Jon

Bertsolariak / Egileak

Lopategi, Aritz

Respaldiza, Juanjo

Lana

Binaka gaia-emanda

Jarritako gaia

Aritzek Respaldiza detektibea kontratatu zuen emaztearen pausuak jarraitzeko. Gaur, emaztea eta detektibea biak aurkitu ditu ohean.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1995-05-13 Muxika Sariketa [Bertsoa] / Aritz Lopategi, Juanjo Respaldiza

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A.Lopategi:
Ikertzaile honengan
jarririk arreta,
bera kontratatzeko
hartu neban beta.
Ohearen barruan
topau ditut eta,
zer Juanjo, zer moduz
doa ikerketa? (bis)

Respaldiza:
Miatzetik nenbilen
bai egun ta bai gau,
ta azkenean hemen
plantatu zara rau!
Ezin nuen gehiago
hortan egin barau,
orain biok dakigu
nola dabilen hau (bis)

A.Lopategi:
Ikertzaile hau ez da
aterako merke,
nere etxea bera
hartu dau aterpe.
Lana hasi zendun da
orain ondo bete,
ta informea idatziz
hartu gura neuke. (bis)

Respaldiza:
Sakonera jo gura
neuke laster hegaz,
baina dena egingo
nenduke patxadaz.
Enteratu behar da
gehiago denboraz,
besteren bat dagoen
enteratuko naz. (bis)

A.Lopategi:
Ohearen ertzetik
jarri naiz begira,
eta bi hauek nahiko
ondo ari dira.
Holako tipoekin
ezin leike fida,
hau Perry Mason* baino
hobeto bizi da. (bis)

Respaldiza:
Detektibe lanean
zelango indarra!
Horretarako bere
baneukan beharra.
Ez zaitut gehio gura
zuri jo adarra,
hauxe da ligatzeko
aukera bakarra. (bis)