Bertsoak - Fitxa ikusi Atal honi buruz gehiago jakiteko
1993-11-21 Zumarraga Txapelketa [Bertsoa] / Martin Rezabal "Olaso", Xabier "Euzkitze"
1993-11-21 Zumarraga Txapelketa [Bertsoa] / Martin Rezabal "Olaso", Xabier "Euzkitze"
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Olaso:
Lotsetan aurkitzen da
gaisorikan ama,
errekuperatzea
badet nehiko lana.
Banekin nik semea
tonto antxa zana:
deskuiratuta joan da
ijitoangana. (bis)
Euzkitze:
Pelukeritan behintzat
badegu lekua.
Aldamenak moztea
ez al zan nahikua?
Majo aprobetxatu det
ahorrautakua!,
horrekin erosi det
belarritakua. (bis)
Olaso:
Nehikoa da fameli
guztia nahasteko.
Lantegi ederra orain
hori orrazteko.
Belarri bi hertzetan
hiru arrasteko,
neu nehikoa nintzaden
horrela mozteko. (bis)
Euzkitze:
Korte klasikoekin
aspertu naiz aurten.
Ilea ez da buruan
bakarrik izaten;
nahi badezu hasiko
natzaizu esaten
gerriz beherakoekin
zer egin didaten. (bis)
Olaso:
Seme hitzegingo'izut
serio-serio:
ile-mozkera hori
egin du propio.
Honekin gaur ez zegon
ama oso pio,
ipurdia hainbat aldiz
ikusi ez balio. (bis)
Euzkitze:
Berriro arrazoia
dexente kaxkarra.
Baneukan nunbaitetik
moztu nahia larra,
askotan izan baitet
aditu beharra...
Orain ni izango naiz
etxeko oilarra. (bis)
Datu-base honetan eskainitako informazioari buruz jakiteko, kontsultatu lege oharra