Bertsoak - Fitxa ikusi Atal honi buruz gehiago jakiteko
1993-12-05 Eibar Txapelketa 17:00 [Bertsoa] / Aritz Lopategi, Aitor Sarasua
1993-12-05 Eibar Txapelketa 17:00 [Bertsoa] / Aritz Lopategi, Aitor Sarasua
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Lopategi:
Moderno juen nahi nuen
zelan edo halan,
gero kalean zehar
ibiltzeko hegan.
Jostorratzez hainbeste
puntada ez eman,
zulo hori hainbeste
kosta baizitzaidan. (bis)
A. Sarasua:
Zuloa konpontzerik
besterik ez dut nahi...
gaurko gazteak dira
edozertako gai.
Laister bukatuko dut,
egon zaitez lasai;
zu ez zara lotsatzen
baina amona bai. (bis)
A. Lopategi:
Konponduko zendukez
aurre ta atzeko,
baina zer behar dudan
neuk dakit hobeto:
zulotxo hauek dira
neskak tentatzeko,
ta bero naizenean
haizea sartzeko. (bis)
A. Sarasua:
Horren gaztea zara
ematen dit izu;
neskekin kontuz izan,
hor nere abisu.
Zuloa arriskutsua da,
zuk ondo dakizu,
txoritxuak zulotik
alde egingo dizu. (bis)
A. Lopategi:
Orain bota didazu
arrazoi astuna,
nola bukatu behar
dugu guk eguna?
Beti izan naiz zulo
hauetxen laguna,
ta txoritxoak berak
eingo du nahi duna.(bis)
A. Sarasua:
Txoritxua al dabil
zerbaiten asmotan?
Jaioberria da ta,
utziozu lotan.
Kalean zuloekin
zu ibiltzekotan,
berdin ibil zintezke
zu kantzontzilotan. (bis)
A. Lopategi:
Amona ez zaite jarri
horrela galdezka,
nire jantzikeraren
hasarrez beteta;
probatzeko txoriai
utziozu arreta,
hegan egiten orain
ikasi du eta. (bis)
A. Sarasua:
Zuk hegan egiteko
daukazun afana;
lasai ibili zaite,
iloba laztana.
Oraindik egin zazu
amonan esana,
gero egingo duzu
zuk nahi duzun dana. (bis)
Datu-base honetan eskainitako informazioari buruz jakiteko, kontsultatu lege oharra