BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-12-19 Donostia Txapelketa 17:00

Gai-emailea

Mandaluniz, Bernardo

Bertsolariak / Egileak

Xabier "Euzkitze"

Lana

Bakarka gaia-emanda kartzelako-lana

Jarritako gaia

Zezen-plaza inguruko belaze batean ari zaren zezena zara. Zauden lekutik ole! eta txalo zaparrada latzak entzuten dituzu.

Gaiari oharrak

Aukerako gaiak:
1 GAIA: Herriko parkean zauden banko bat zara. Asteburuetan zure inguruan gertatzen denaren berri
konta iezaguzu.
2. GAIA: Zezen-plaza inguruko belaze batean ari zaren zezena zara. Zauden lekutik ole! eta txalo
zaparrada latzak entzuten dituzu.

Deskribapena

Doinua

Ligoi bizitza ez da izaten

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-12-19 Donostia Txapelketa 17:00 [Bertsoa] / Xabier "Euzkitze"

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Ekologistak ariko dira
hau eta hori esaten,
baina Espainian hau bezelako
festarik ez da izaten.
Ederki bizi izan naiz, baina
nereak egin du aurten;
oraingoan ezetz irten! (bis)
Nere bizitzak ez du izango
behar den aina iraupen;
marka ez al da ni hil beharra
besteek goza dezaten?

Nere adarrak zorrotz ditut gaur,
kopeta gora igota;
hauxe da gizon eta zezenon
etengabeko borroka.
Nola arraio ez hau gaitzetsi?
Nola arraio ez gorrota,
azken unean nago ta? (bis)
"Buelta al ruedo" ta holakorik
ez dezaidatela konta,
hil ondorengo ohore denak
ez zaizkit bate inporta. (bis)

Pakirri eta El Yiyo hil ziren,
beste hainbat daude grabe;
familietan sortu izan dugu
makina bat atsekabe,
burla egiten digute, baina
gu adarkadetan trebe.
Naiz bi adar onen jabe; (bis)
ni toreatu behar nautenak
guztiz lasai ote daude?
Nereak ia egin du baina
ez nereak egin gabe! (bis)