BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-12-08 Bilbo Txapelketa 11:30

Gai-emailea

Mandaluniz, Bernardo

Bertsolariak / Egileak

Murua, Iñaki

Lana

Bakarka gaia-emanda kartzelako-lana

Jarritako gaia

Une honetan zuretzako telegrama hauxe jaso dugu. Honelaxe dio: "Eskerrik asko, xarmangarria zara, laister arte. Kattalin".

Gaiari oharrak

Aukerako gaiak:
1. GAIA: Une honetan zuretzako telegrama hauxe jaso dugu. Honelaxe dio: "Eskerrik asko, xarmangarria
zara, laister arte. Kattalin".
2. GAIA: Zuk urtebete pasa duzu munduan zehar bazterra ikusten. Itzuli zara berriro zeure ohizko lantokira,
fitxatu duzu eta bazoaz betiko zure lanpostura.

Deskribapena

Doinua

Munduko ilunabarra

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-12-08 Bilbo Txapelketa 11:30 [Bertsoa] / Iñaki Murua

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Zein egoera zorrotza
txapelketaren morrontza!
Kattalin nere arrosa,
laztana bezain airosa...
Nerbioekin ia gertuan
sentitzen nun heriotza,
jende aurrean guztiz galdua
sentitzen nintza arrotza.
"Zu gabe ezer ez nintzake ni"
esateko ez naiz lotsa.
Esku batean sartua zegon
oin arte nere bihotza,
munduko urrez ez da ordaintzen
zuk eman didazun poza. (bis)

Telegrama horren saria
itxaropenan haria,
behar nuen guraria
ta mesede nabaria.
Behar nuena zan justu-justu,
ez da izan ederregia.
Une honetan salbatu nauzu,
aitortzen dizut egia.
Zure zutonai helduko diot,
bestela nintzan eria.
Zure indarraz une latz honi
emango diot aurpegia.
Zu zera egunez nere eguzki,
gauez nere ilargia. (bis)

Hizketan ezin hasian,
irten ezinik sasian,
ideia danak pasian
arrazoien eskasian.
Eta albiste dotore hori
ene belarri ertzian.
Bihotza daukat pozez gainezka,
geldi ezinezko jausian.
Etorkizuna iluna neukan
"bai" eta "ez"ko auzian.
Ba al dakizu arrazoi horrek
nei zenbat esaten dian?
Ene Kattalin, maiteko zaitut
nere bizitza guzian! (bis)