BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (14. 2005)

Saioa

2005-12-04 Donostia Txapelketa

Gai-emailea

Jauregi, Saroi

Bertsolariak / Egileak

Elortza, Igor

Lana

Bakarka gaia-emanda kartzelako-lana

Jarritako gaia

Gaur ere itsas ertzean zaude. Esku batean harri mordoa duzu eta banaka-banaka botatzen ari zara itsasora.

Deskribapena

Doinua

Sentimenduak batzutan sartzen

Neurria / Estrofaren izena

Hamahirukoa, handiaren moldekoa, 8 puntuz (hg) / Zortzi puntukoa, handiaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2005-12-04 Donostia Txapelketa [Bertsoa] / Igor Elortza

Neurria:  Hamahirukoa, handiaren moldekoa, 8 puntuz (hg) / Zortzi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Itsaso horrek gordetzen ditu
makinatxo bat sekretu
hiru edo lau poz eta negarrez
joandako mila momentu;
gaur ere kaiatik gertu
beregana naiz agertu;
hementxe nago amorratuta
edozertarako gertu
harriak hartu esku batean
ta egin nahi dut mendeku.
Harriak bota ta bota nabil
ta nahiz ta olatuak lehertu
berak ezin du ulertu.

Arrantzaleak itsasoakin
beti dabiltz tira-biran
ta arrantzaleen andreok ere
noski badugu aski lan
gizonaren despedidan
hamaika min utzi nigan;
egunero lez berriro ere
banator kaiaren jiran
nola edo hala zerbait bueltatu
behar didazun desiran;
oroitzapenak ta gorrotoa
olatuetan dilindan
maitea ostu zenidan.

Gaur hain otzana ematen duzu
hain bare ta hain geldiro
kostako haitzak kasik laztanduz
maitekiro-maitekiro
baina gero enbata igo
ta ene zenbat bertigo!
Azken bi harri puskak hartuta
berriz egin dizut tiro
horrek deus ez du konpontzen baina
baneukan aski motibo;
bihar goizean berdin-berdin zait
ze eguraldi, ze giro
etorriko naiz berriro.