Bertsoak - Fitxa ikusi   Atal honi buruz gehiago jakiteko

2005-10-09 Lekunberri (N) Txapelketa [Bertsoa] / Amaia Agirre

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (14. 2005)
Saioa
2005-10-09 Lekunberri (N) Txapelketa
Gai-emailea
Taberna, Mikel
Bertsolariak / Egileak
Agirre, Amaia
Lana
Bakarka gaia-emanda kartzelako-lana
Jarritako gaia
Autobus geltokira iritsi zara. Abiatu behar duen lehenbiziko autobusean sartu eta atzeko eserlekuan jarri zara. Autobusa badoa eta kristaletik begira zaude.

Deskribapena

Doinua
Haizea dator ifarraldetik
Neurria / Estrofaren izena
Neurri berezikoak

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2005-10-09 Lekunberri (N) Txapelketa [Bertsoa] / Amaia Agirre

Neurria:  Neurri berezikoak 
Kokapena:  XDZ - Xenpelar Dokumentazio Zentroa 

Umezurtztoki batetik irten
lagunmin atzeko silla
leiho ertzean isladatu da
nere aurpegi zurbila
barne borroka etengabea
ta ideiak berriz mila
nora nijoan ez dakit baina
bidaia hasi dadila!
Guraso gabe nere bizitza
zurruna bezain isila
ez noa ezeren ihesi baina
ez noa ezeren bila.

Bata bestea bezain tristea
dala ematen det hitza
izar gabeko gau iluna ta
amets gabeko bizitza;
nere bizitzan noraez honek
eragin dit min bortitza
baina geroa gaur ez dakusat
herenegun bezain hitsa.
Jaso burua Amaia maite
buru makur zer zabiltza?
Autobus honek izan dezake
zoriontasunan giltza.

Argentinan bi osaba zahar
ditudan kontakizuna
sarri entzun det orain ez dakit
nora biderau jarduna.
Haienganako bide itxia
gertuko eta urruna...
Baina hala're haruntza noa
ez da aukera iluna;
sos batzuekin noa patrikan
horra gauza ezaguna
ea ematen didaten inoiz
jaso ez dedan maitasuna.

Datu-base honetan eskainitako informazioari buruz jakiteko, kontsultatu lege oharra