Bertsoak - Fitxa ikusi Atal honi buruz gehiago jakiteko
2005-10-22 Uztaritze Txapelketa [Bertsoa] / Amets Arzallus
| Bertsoa entzun |
2005-10-22 Uztaritze Txapelketa [Bertsoa] / Amets Arzallus
Neurria:
Neurri berezikoak
Kokapena:
XDZ - Xenpelar Dokumentazio Zentroa
Presondegira iritsi nintzen
lurra jotzeko heinean
karga bat bizkar gainean
ta etxean zer pentsatzen dute
akzioen ordainean (bis)
ahaztu al naute maite al naute
kezka nuen gehienean
buruan aldamenean
ta andrearen gutun txiki hau
irekia dudanean
ze askatasun sentitu dudan
nere ziega barrenean. (bis)
Bihotzak poza ixurtzen dit bai
begitako malkoetan
pozik bainago benetan
orain zeozer nik neuk idatzi
beharko dut hemen bertan (bis)
kaixo andrea eskerrik asko
ez nago jada penetan
eta ez nabil brometan
txori txikiak eraman beza
kartatxo hau hegaletan
eta mesedez eskatzen dizut
etorri zaitea bueltan. (bis)
Denborarekin iristen bada
etxekoen erantzuna
nere hitzen oihartzuna
beste zerbaiten esperantzetan
geldituko zait zentzuna (bis)
nahiz aske naizen oraindik ere
kate bat daukat astuna
gogorra da ez biguna
hauxe da zure kaleratzeko
ordua eta eguna
hori da orain espero dudan
nere hurrengo gutuna. (bis)
Datu-base honetan eskainitako informazioari buruz jakiteko, kontsultatu lege oharra