2009-11-07 Bergara Txapelketa [Bertsoa] / Etxahun Lekue, Aitor Mendiluze

Zuk, Etxahun, mila aldiz esan zenien lagunei ez zenuela ezer berezirik nahi ezkontza-agurrean, baina Aitor streeperrarekin bakarrik utzi zaituzte gela batean.

Deskribapena

Doinua

Praixku Galtzazarreta B

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2009-11-07 Bergara Txapelketa [Bertsoa] / Etxahun Lekue, Aitor Mendiluze

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

E. Lekue

Lagunak behintzat ondo
portatu zitezen
"Ezer berezirik ez"
esan nien ozen.
Orain zu agertu zara
biluzik ta zuzen
haiei hori esan arren
izan gezurra zen.

A. Mendiluze

Beraz despedidako
zure egunean
ibili nahi zenuen
bide txukunean
igerri det asmoa
dela urrunean
bi begiak zuzendu
dizkidazunean.

E. Lekue

Begi biak zugana
joan dira arin
ezin nezakeen-eta
nik hori ekidin.
Ordubetean hartu
dezagun atsegin
gero esan guk ezer
ez dugula egin.

A. Mendiluze

Begiez gain gehiago
nahi dezu zuzendu
ai hobe nola egin
jakingo bazendu!
Zer barruko erropa
nahi didazu kendu?
Ba honek diruakin
funtzionatzen du.

E. Lekue

Etorri zara oso
itxura dotorez
kartera betea dut
nik billete morez
beraz dakizun dena
egizu mesedez.
Gero pentsatuko dut
ezkondu edo ez.

A. Mendiluze

Ezkon zintezke ala
ez zera ezkonduko
baina ordubete hau
ez zaizu ahaztuko.
Kontatu nahiko dezu
bukatu orduko
baina lasai ez dizu
inork sinistuko.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko