Bertsoak - Fitxa ikusi Atal honi buruz gehiago jakiteko
1973-00-00 Soraluze Jaialdia [Bertsoa] / Imanol Lazkano
1973-00-00 Soraluze Jaialdia [Bertsoa] / Imanol Lazkano
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Alaba maite ez zazu ahaztu
zure aita zugaitz bat dana
eta zu zera landaretxo bat
zuhaitz zahar horrek emana
egun batean maitasun bidez
ereinda utzi nuana
eta baratza hori izan zan
zure amatxo laztana.
Zure ama ta ni alkarrentzako
jaio ginaden ludira
jolas gozoak egin ginuzen
etorkizunai begira
neregandikan pasa zinaden
amaren sabel garbira
mundu hontako haurtxo guziak
holaxe etortzen dira.
Amarengana pasa zinaden
nerea zinan lehenago
gero hartatik egin zinaden
gero eta ederrago
nola sartu ta nola irten zinan
esan beharrik ez dago
zere gorputzak esango dizu
luzaro baino lehenago.
Datu-base honetan eskainitako informazioari buruz jakiteko, kontsultatu lege oharra