Bertsoak - Fitxa ikusi Atal honi buruz gehiago jakiteko
2003-04-04 Lazkao Jaialdia [Bertsoa] / Sebastian Lizaso
| Bertsoa entzun |
2003-04-04 Lazkao Jaialdia [Bertsoa] / Sebastian Lizaso
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Atzo langile, gaur langabetu*
ustegabeko trantzea
baina hala ere ez da komeni
hutsune hortan galtzea.
Langabetuak nahi duena da
nunbait lana bilatzea
tristea bada langabetuak
hutsunea sentitzea
tristeago da hutsune hori
etsipenak betetzea. (bis)
Urtarrilaren hogeiaz gero
daukat dardarra sartuta
Egunkaria itxi zuten ta
lagunak atxilotuta
euskaldunongan hutsune latza
orduantxe zen sortu-ta
hutsune hori bete dezagun
badaukat nere gomuta:
bere ordezkoa sortu dezagun
konpromezua hartuta. (bis)
Bertsozalea hintzen Joxe Luis**
guretzat anai antzeko
ta heriotzak zer motibo zun
bere bila etortzeko?
Bere bihotza gelditu eta
beste askorenak lehertzeko?
Inork ahalmenik ez daukagunez
bere ordezko bat sortzeko
oroitzapenak balio beza
hutsunea betetzeko! (bis)
Datu-base honetan eskainitako informazioari buruz jakiteko, kontsultatu lege oharra