Bertsoak - Fitxa ikusi   Atal honi buruz gehiago jakiteko

1991-09-28 Altzaga Jaialdia [Bertsoa] / Sebastian Lizaso

Bertsoa entzun  

Informazio orokorra

Kategoria
Bat-batekoa
Saioa
1991-09-28 Altzaga Jaialdia
Gai-jartzailea
Zeberio, Nikolas "Zeberio II"
Bertsolariak / Egileak
Lizaso, Sebastian
Lana
Bakarka gaia-emanda
Jarritako gaia
Azpeitiko talde bat Everestera joana da gailurra egin asmoz, baina eguraldia oso txarra omen dago.

Deskribapena

Doinua
Bizia ez da nehoiz egoiten
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1991-09-28 Altzaga Jaialdia [Bertsoa] / Sebastian Lizaso

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Ni animoak emanez nator
ez da izango gehiegi,
egualdi txarra egonagatik
eman beharko aurpegi,
asmo batekin irten zinaten
eta lortu arte segi,
egin zenduten amets goxoa
egia bihurtu bedi,
zuei begira dago Azpeiti,
zuei begira Euskadi. (BIS)

Lan zaila zela bazekizuten
zuek abiatu aurrez,
gailurreraino iriste hori
ez zala izango errez,
ahal dan artean etsipen gabe
segi aurrera mesedez,
bueltakoan hara zer festak
mendizalean omenez,
lortu ez arren lagun geranak
lortu ezkero nola ez? (BIS)

Lortu ezkero jarriko degu
hainbat festa eta omen,
nahiz eta jakin hori lortzea
zeinen gauza zaila hor den,
Altzagatikan nik eskari bat
badut zuentzat nabarmen:
Lurralde hortan galdu zitzaigun
gure Antton Ibarguren,
agur bero bat egin berari
etxera etorri baino lehen. (BIS)

Datu-base honetan eskainitako informazioari buruz jakiteko, kontsultatu lege oharra