Bertsoak - Fitxa ikusi Atal honi buruz gehiago jakiteko
1975-03-02 Leitza Jaialdia [Bertsoa] / Joxe Miel Iztueta "Lazkao Txiki", Imanol Lazkano
1975-03-02 Leitza Jaialdia [Bertsoa] / Joxe Miel Iztueta "Lazkao Txiki", Imanol Lazkano
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Lazkano:
Sorgin bat baldin behar banuen
nun arki politagoa?*
Eta kezka bat badaukat eta
galdezka hastera noa**
baldin inola badakizu zuk
zabaldu zazu abua:
esan zaidazu nola bukatu
biha'un aurtengo negua.
Lazkao Txiki:
Sorginkerizko eginkizuna
gai daukat nik azkenian
eta Lazkano hementxen dator
geroa jakin nahian***
xamur hartuta **** esango diat
oraingo puntu batian:
negu guztia amaituko dek
martxoan hoita batian.
Lazkano:
Sorgintza dauka ofizioa
eta tarberna lantoki
kontuak kontu bizimodua
darama nahiko egoki
itxura ederrak egiten ere
hasitzen da bera aurki
gizarajuak hobea luke
berea baldin baleki!
Lazkao Txiki:
Orain arteko negu guztia
izan da oso epela
esan beharrik ere ez neukan
badakit dakizutela
bainan pentsatu martxo aldean
hotza egingo duela
eskerrak, emaztea badaukak,
hotzak hilko hau bestela!
Lazkano:
Berihalaxen esaten ditu
udaberri gorabeherak
ta hartu dizkit garai horretan
neri hotzaren tankerak
andriarekin berotzeko ere
nik badaduzkat aukerak
eta nolatan berotutzea
pentsatzen ote du berak?
Lazkao Txiki:
Nik esan behar eta oraintxen
kontuak galdezka hasi
hik pentsatu zak sorgin geranak
badigu mila malezi!
Hotzak galdutzen oraindik ez du
inork sorginik ikusi
ohera ere joaten baikera
poltsa-bero eta guzi.
Datu-base honetan eskainitako informazioari buruz jakiteko, kontsultatu lege oharra